Ano ang masasabi mo sa K-12 kurikulum

         Mag tatatlong taon na nang  palitan ng  ating Pangulong Aqiuno ang kurikulum ng ating bansa mula sa dati nitong  kurukulum na Basic Education Curriculum o BEC at ito’y tinawag   na K-12 na nangangahulugang magkakaroon pa ng  dalawang dagdag  na taon sa pag-aaral  at ito ang grade 11 at 12 na naglalayong ihanda ang mga kabatan sa kanilang pagtatapos sa sekondarya.Kung nais na agad nilang magtrabaho at hindi na magpatuloy sa pagkokolehiyo at upang maging handa narin sila sa pagnenegosyo gayundi kung nais pa nilanag magpatuloy sa kolehiyo.

        Ako bilang isang estudyante na nakaranas na sa kurikulum na ito ay aaminin ko na noong una ay nadismaya ako dahil sa halip na makakapagtapos kana agad sa pag-aaral ay madaragdagan kapa ng dalawang taon .Pumasok sa isip ko na kung magpapatuloy pa pala ako sa pag-aaral sa kolehiyo at ang kukunin kong kurso ay four  year  course ay nangangahulugan itong  puro pag-aaral na lamang  ako na dapat sana’y  nagsisimula na ako sa nagtatrabho. Ngunit habang tumatagal   ay napag-isip-isip ko na maganda rin pala ang maidudulot nito para sa ating mga kabataan lalong lalo na sa walang kakayahang makapag-aral sa kolehiyo dahil maliban sa mga dagdag nitong kaalaman ay may pagkakataon na silang makapagtrabaho kahit hindi pa sila nakatungtong ng kolehiyo .Sa panahon natin ngayon,hindi lahat ay kayang makapag-aral sa kolehiyo  kaya nga siguro maraming mga nakaistambay na lamang sa kani-kanilang tahanan dahil nahihirapan  silang makapag-hanap ng trabaho ,isa pa mas lalong magiging handa ang mga mag-aaral sa pagtatrabaho at magiging mas  malawak na ang pagiisip  ng mga kabataan pagdating sa pagdedesisyon.

          Ang K-12 ay hindi ipinatupad upang maslalong pahirapan ang mga kabataan sa pag-aaral kundi para mas lalong hasain ang kanilang pag-iisip at makaasabay sa kung anong mayroon  ang ibang bansa o hindi tayo mapag-iwanan .Marahil ang iba sa inyo ay ang kanilang iniisip sa K-12  ay upang  tumulad lamang tayo sa kung ano ang mayroon sa ibang bansa  ngunit sa halip na ito ang ating isipin bakit hindi nalang kaya natin ilagay sa ating mga isipaan kung aano ang maaari nitong itulong sa atin bilang isa sa mga kabataqn ng pilipiunas at kung paano nito tayo nabibigyan ng sapat na kaalaman sa bawat pagpasok natin sa ating paaralan . :)

Sa aking Guro

            Mga estudyanteng nagkakagulo at ingay na maririnig sa loob ng isang silid –aralan.  May nagkekwentuhan dito ,may  nagtatawanan doon ,may naglalaro sa gitna at may seryosong gumagawa ng dapat na gawin. Lahat ay may kanya kanyang pinagkakaabalahan  ngunit kapag siya ay nakita ng paparating ay  nariyan yung agad na nagsisibalikan sa kani-kanilang upuan kasabay ng pagtahimik na animo’y may dumaan na  isang anghel hanggang siya ay makatungtong sa loob ng aming silid-aralan.Siya ay ang aming guro sa asignaturang Filipino.

            Sa mahigit 10 buwan na siya’y  aming nagging guro ay hindi maipagkakailang may ilang katangian at aral siya na tumatak sa aking isipan bilang kanyang estudyante. Ilan na dito ay kapag siya ang nagtuturo o nagtatalakay ng mga aralin ay tiyak na iyong maiintindihan at kung nahihirapan ka namin na sumunod ay huwag kang mag-alala dahil  ito’y kanyang uulitin hanggang  sa mapaunawa niya ito sa iyo.Siya rin yung gurong hindi ka  maboboring kapag siya ay nagpapaliwanag dahil sa pamamaraan ng kanyng salita at kung minsan pa ay sinasamahan niya ito ng biro ngunit isa rin sa aking natutunan sa kanya ay kapag seryosong bagay o mga importanteng kaganapan ang pinag-uusapan  ay dapat seryoso karin at hindi mo ito ginagawang katatawanan dahil sabi nga ng aming guro ay kapag ginawa mo itong nakakatawa lalo na kung ikaw ay nagpapaliwanag ay  hindi ang mahahalagang bagay o kaganapan ang tatak sa isipan ng mga nakakarinig o nakaririnig kundi ang pagpapatawa na iyong ginawa.Isa pa sa hinding hindi ko makakalimutang karansan bilang kanyang mag-aaral ay kapag siya na ang magtuturo ay dapat hindi ka magsasalita ng ingles kundi dapat tagalong lang  dahil isa sa kanyang nais na aming matutunan ay ang pagiwas sa salitang taglish  dahil dalawa lang naman ang madalas na linguwahe na ating ginagamit,ang tagalong at ingles hindi dito kasali ang taglish at isa pa ay masyado na daw tayong huhumaling sa pagsasalita nito. Ayaw niya rin na kapag siya ay nagtuturo ay kung ano-ano ang ginagawa mo at may kanya-kanyang mundo .

          Siya yung tipo ng guro na masaya kasama pero madalas ay seryoso at may kaunting kasungitan  ngunit makikita mo rin na nais niya ang kanyang ginagawang pagtuturo at ito’y nagmumula sa kanyang puso. :)

Karanasan ko sa ika-siyam na baitang

                                    Ilang buwan na ang nagdaan,ilang araw na ang lumipas at iilang araw na lamang ang natitira sa aking pagiging estudyante sa ikasiyam na  baiting.Sa ilang buwan at araw na ito ay siya naming pagusbong ng aking kaalaman at iba’t ibang karanasan.Kaya’t hayaan mo akong ibahagi sa iyo ang aking mga naging karanasan at natutunan bilang estudyante sa ika-siyan na baiting.

          Ang pagtungtong ko sa ika-siyam na baiting ay masasabi kong masaya pero mahirap.Masaya dahil mas marami kang matututunan at mga karansan na madadagdag na hinding hindi mo makakalimutan dahil sa mga taong iyong nakasasalamuha at sa mga bagay na naituturo nila sa iyo kasama na rin ang mga bagong bagay na  iyong  matutuklasan mula sa iyong mga guro at mga kaklase na nagiging dahilan ng iyong pagkamulat sa mga makamundong bagay na kung noon na nasa ika-pito at ikawalong baiting pa lamang tayo ay hindi pa ganon karami ang ating mga nalalaman may oras pa tayo para maglarolaro at kaunti palamang ang ating mga
pinoproblema.Dito mas lalong naging bukas ang ating mga isipan sa kung paano mo haharapin ang isang mahirap na gawain gamit ang ating mga natutunan.Mahirap naman dahil kinakailangan mo ng sapat na kaalaman  para  magawa ang isang bagay at mas lalong pahirap ng pahirap ang inyong mga tinatalakay  at mga Gawain na kailangang gawin sa bawat araw na lumilipas na kung minsan pa nga ay hindi mo na alam kung ano ba dapat ang iyong gawin at unahin para lang matapos mo ito, nariyan yung kinakailangan mo pang  magpuya’t para lang magawa mo ito.pero ganyan talaga ang buhay ng isang estudyante ,may mga panahon na mahihirapan kana at ayaw mo na itong ituloy basta’t lagi mo lang tatandaan na lahat ay magagawa mo kung may tiwala ka lang sa iyong sarili na matatapos mo ito.

       Ang pagiging estudyante ay hindi madali pero kapag sinamahan mo lang ito ng sipag,tiyaga at tiwala siguradong masasabi mo na masarap palang maging isang estudyante  lalo na kung  alam mo may patutunguhan ang bawat oras na iyong nilalan sa bawat Gawain.:)

               

     

Takdang-Aralin sa Filipino

Larawan ng aking Takdang-Aralin

   

Repleksyon para sa ika-siyam na linggo :)

          “Ang dalagang pilipina ay tapat magmahal,Ang dalagang pilipina ay simple manamit at ang salagang pilipina ay mahinhin gumalaw” ilan lamang iyan sa mga katagang maiuugny bilang isang dalagang Pilipina.Ano ba ang pumapasok sa iyong isipan kapag naririnig mo ang salitang dalagang pilipina?Siguro nariyan  na yung pagiging isang mayumi at  konserbatibo. Kung ito’y aking ihahambing  sa aming mga nagging talakayan patungkol sa Nobela ni Rizal  na Noli Me Tangere ay masasabing kong  ang pagiging isang  dalagang pilipina ay maiuugnay sa isa sa mga tauhan nito na si Maria Clara.

        Sa mga naganap naming talakayan patungkol kay Maria Clara,may  mga bahagi sa bawat kabanata nito na nagpapakita ng mga katangiaan niya  bilang isang  dalagang pilipina ,halimbawa na lamang nito ay ang kanyang pagiging masunuring anak na kahit labag na ito sa kanyang kalooban ay ginagawa nya parin .Tulad sa isang kabanata na ninanais ni Padre Daamaso na magpakasal siya kay Linares  ,pumayag siya kahit alam niya na ang kanyang  tunay na minamahal ay si Ibarra diba’t noong nakaraaang panahon ay ang mga kababaihan ay walang kakayahang magdisesyon para sa kanilang sarili ,tanging ang kanilang magulang ang nasusunod.Nagkaroon din kami ng ilang pangkatang gawain na may kaugnayan sa kanya ,tulad ng paglikha ng tula,poster,slogan at awit na nagpapakita ng tunay na pag-ibig
        Kaugnay nito, tinalakay din namin ang pagkakaiba ng kababaihan noong unang  panahon at sa kasalukuyan.Na kung noon ay napaka konserbatibo ng mga kababaihan na halos wala ka ng makikita sa kanila dahil sa paran ng kanilang pananamit ay siya namang kabaliktaran sa kasalukuyang panahon na kung manamit ay wala ng tinatago.
       Ilan lamang iyan sa aming mga tinalakay na nagpapakita na si Maria Clara ay sinisimbola ng isang dalagang pilipina.Hanggang sa muli ^_^ v

                                   

 

Pangkatang Gawain

Paglikha ng Awit

       

Repleksyon para sa ika-walong linggo ng talakayan

                    Panibagong linggo na naman ang lumipas .Panibagong talakayan at kaalamang madadagdag.Uupo sa isang tabi ,kukunin ang mga panulat at mag-iisip.Saglit na katahimikan ang maririnig at mayamaya’y  babaybayin sa isipan ang mahahalagang kaganapan at kaalaamang natuklasan sa bawat araw  na lumipas .Tulad sa nakaraang panahon ang siyang mga nagging kaganapan sa buhay ng ilan sa mahahalagang tauhan sa nobela ni Rizal na Noli Me Tangere na sina Elias,Maria Clara at Sisa.

                   Ang buhay ni Elias ay masasabi kung masalimuot dahil hindi na niya nakita pa ang inaasam na kalayaan sa pagliligtas sa buhay ng kanyang itinuturing na kaibigan  na si Crisostomo Ibarra.Pinili ni Elias na iligtas si Ibarra  kahit alam niya na ang mga ninuno nito ang nagdulot sa kanya ng kasawian sapagkat na niniwala  siya na hindi niya dapat ito dinaranas  at ayaw ni Elias na sa pagdating  ng panahon ay itakwil siya ng sarili niyang bayan.Sa makatuwid,pinili ni Elias ang kanyang pakikipag kaibigan kaysa sa paghihiganti at nilimot niya rin ang kanyang pagmamahal kay Salome para sa ikaliligtas nito.Si Maria Clara naman ay masasabi kong hindi nagging maganda ang kanyang kapalaran  sapagkat   hindi sila nagkatuluyan ni Ibarra sa kabila ng kanilang wagas na pagmamahalan  at nagging sunod-sunuran lamang siya sa nais ng kanyang mga magulang para sa kanyang buhay.Pagdating naman kay Sisa ,tulad ng kay Maria Clara  ay hindi nagging maganda ang takbo ng kanyang kapalaraan bagama’t mayaman na tao siya ay nagging mali ang paagpili niya sa kanyang mapapangasawa dahil isa itong walang kwentang tao sapagkat ang alam lamang nito ay ang pagsusugal at paghingi ng pera kay Sisa na siyang nagging dahilan ng pagkaubos ng kanyang mga yaman at ng kanyang pagka baliw.Ang nagpalala pa ng kanyang pagkawala sa sariling katinuan ay ang hindi nito pagkakita sa kanyang nawawalang mga anak na si Crispin at Basilio.Nagpalabo’y labo’y siya sa lansangan,sa pagbabalik ni Basilio ay ang kanyang pagkamata’y dahil ng bumalik ang kanyang katinuan ay nakita niya itong walang malay at sa pagkagising ni Basilio ay natagpuan niya ang kanyang ina na wala nang buhay,marahil ay nagpakamata’y ito sa pag-akalang patay na si Basilio.
                           Ito ang ilan sa mga nagging kaganapan sa buhay nila Elias,Maria Clara at Sisa  na aming tinalakay sa  bawat araw na lumipas.Sa mga tinalakay na ito ay aking natutunan kung paano maging isang tapat na kaibigan,mangingibig at kung paano naging isang mabuting magulang si Sisa.Hanggang dito na lamang ang aking repleksyon.Salamat. :) v

Repleksyon para sa ika-pitong linggo

                                 Titingin sa kanan titingin sa kaliwa,lalakad ditto lalakad doon  at sasamahan pa ng  isang buntong  hininga .Muling inaalala mga nagging mahahalagang kaganapan sa tauhan ng Noli Me Tangere na si Crisostomo Ibarra kung paano at kung sino ang nagdulot sa kanya ng  paghihirap at nakapag bigay  ng  mga suliranin at  kung siya nga ba ay biktima lamang ng pagkakataon .Sino nga ba ang mga nagdulot sa kanya ng paghihirap at suliranin?Base sa mga ginawa naming pagtatalakayan  sa pangunahing tauhan na si Crisostomo Ibarra ,ilan sa mga nagdulot sa kanya ng paghihirap at suliranin ay si Padre Damaso dahil ninanais nito na pigilan ang mga binabalak  ni Ibarra at mawala na ito sapagkat ito’y nakapag dudulot lamang sa kanya ng kapahamakan ,isa pa sa mga ito ay ang mga mamamayan sa bayan ng San Diego dahil hindi nila nabigyan ng pagpapahalaga ang mga bagay na ginawa ni Crisostomo Ibarra ,sa halip ay pinagbabato pa siya nila dahil sa pag-aakalang siya ang nakapagdudulot sa kanila ng kapahamakan at paghihirap.Si Maria Clara ay nakapagdulot din sa kanya ng paghihirap dahil sa sobrang pagmamahal nito sa kanya ay labis din ang sakit na nadama nito ng malamang ipakakasal na si Maria Clara kay Linares.Sa katanungan naman kung siya nga ba ay biktima lamang ng pagkakataon ay oo sapagkat natuon ang tingin sa kanya ni Padre Damaso dahil sa nagging anak siya ni Don Rafael na mayroong malaking inggit  si Padre Damaso noong ito ay nabubuhay pa kaya ng malaman ni Padre Damaso na ipinagpapatuloy ni Ibarra ang nasimulan nito ay nagkaroon siya ng galit at inggit din ditto.
                               Isa rin sa aming  mga ginawa ay ang ‘Mack Trial’ kung saan hinati ang limang grupo sa dalawa at mamimili ang dalawang grupo kung sino ang  nais nilang maging abugado at gaganap na Ibarra at Elias. Ang napiling abogado ang siyang magbabato ng mga katanungan sa mga nasasakdal na sina Ibarra at Elias.Ang kanilang katanungan ay manggagaling sa kabanata 60 kung saan ang senaryo ay tinulungan ni Elias na makatakas si Ibarra.

repleksyon para sa ika-anim na linggo

                            Si Crisostomo Ibarra bilang  mangingibig,kanyang mga banta at suliranin at bilang isang mapagmahal na anak.Natapos na ang ating pagkilala kay Crisostomo Ibarra bilang isa sa mga pangunahing tauhan ng nobela ni Rizal na Noli Me Tangere.Atin namin siyang kilalanin sa katauhan niya bilang mangingibig.Si Crisostomo Ibarra  ay nakaranas ng iba’t ibang pagsubok sa kanyang pagmamahal  na kung ating susuriin ay masasabi kung mas pipiliin na lamang siguro ng  iba na nasa katayuan niya  na sumuko  ngunit iba si Ibarra pinili niyang maging tapat at ipaglaban ang kanilang pagmamahalan hanggat maari.Bilang banta at suliranin naman sa kanyang buhay .Sa pagsusumikap niya na ipagpatuloy ang nasimulan ng kanyang ama at makamit ang katarungan nagkaroon siya  ng banta at suliranin sa kanyang buhay,isa na ditto ay ang pagnanais ni Padre Damaso  na mawala siya dahil si Ibarra ay isang  malaking hadlang sa kanyang mga hangarin at dulot narin ng kanyang  inggit .Bilang isang mapagmahal namang  anak  ay masasabi kong lubos niya itong nagampanan dahil kahit wala  na ang kanyang ama ay pinili niya paring gawin ang hindi nito natapos   at ng kanyang nalaman ang nangyari sa kanyang ama,kung paano ito nawala at noong bago ito mawala ay labis siyang nagsisi dahil habang siya ay nasa  europa at nagpapakasaya ay siya namang paghihirap ng kanyang ama sa kulungan sa kasalanang hindi naman nito  ginawa.(kabanata 5)
                            

Repleksyon para sa ika-limang linggo ng ika-apat na markahan

                    Ang katauhan ni Crisostomo Ibarra.Si Crisostomo Ibarra ay isa sa mga pangunahing tauhan ng Nobela ni Rizal na Noli Me Tangere.Halos sa kanya umiikot  ang  ilang mga kabanata  dito kayat hinati-hati ng aming guro ang pagtatalakay sa bawat pangkat.Nakatutuwang isipin na sa linggong ito ay natapos namin ang bawat kabanatang patungkol sa kanya.Sa ginawang talakayan natuklasan ko ang iba’t ibang katauhan ni Ibarra.Ilan sa mga ito ay ang pagiging mapagmahal sa kanyang bayan dahil pinili nyang ipagpatuloy ang nasimulan ng kanyang ama na magpatayo ng isang paaralan sa kabila ng nangyari sa kanyang ama.Mapagmahal din sya sa kanyang kasintahan na si Maria Clara dahil kahit anong hadlang ang ginawa sa kanilang pagmamahalan ay hindi bumitaw si Ibarra kay Mria Clara.Naipakita rin dito ang pagiging maawain niya dahil ninais nya na ipagamot si Sisa at tulungan itong hanapin ang kanyng nawawalaang anak.Isa rin siyang matapang dahil kahit alam niyang makasasama sa kanya ang pagtulong ay mas pinili nya itong gawin  at nanatiling matatag sa kabila ng mga paratang sa kanya  at paguusig.
                   Kaugnay nito,ang bawat kabanata na iniulat ng bawat pangkat ay kinakailangang isulat sa buong papel ang mahahalagang pangyayari sa tauhan nasi Ibarra at kung bakit ito mahalaga.Magkalaroon din sana kami ng isang pagsusulit patungkol  sa mga kabanata ngunit dahil sa ipinagdiriwang natin ang araw ng mga puso ay naatasaan kaming gumawa ng isang tula patungkol sa aming mga minamahal.

Repleksyon para sa ika-apat na linggo ng talakayan sa ika-apat na markahan:)

                         Pagkilala sa mga tauhan.Nagsagawa ang  bawat pangkat ng “Parade of Characters”kung saan kinakailangng ang bawat meyembro ay gaganap sa isa sa mga taauhan ng Noli Me Tangere .Kanilng ipapakilala kung sino ang kanilang kinakatawan at sila ay kailangang  kumilos ng gaya sa nasabi nitong katangian.Maaari ring gawan  nila ito ng kaunting pagsasadula.Pagkatapos naming maisagawa ang Parade of Character ay samotsaring papuri ang natanggap ng bawat grupo sa aming guro.

                         Gayundin, nagkaroon kami ng talakayan patungkol sa mga tauhan , kung ano ang  knilang isinisimbola at kung kanino sila maiuugnay sa  buhaay ni Jose Riza.Upang maslalong palawagin ang kaugnayan ng mga tauhan at mas maintindihan ang kanilang mga ganpanin sa loob ng Nobela ay iniatas sa bawat pangkat na ipaliwanag ang bawat kabanata na may kaugnay sa mga tauhan .Para sa linggong ito ang kabanata na kinakailangang palawakin ng bawat pangkat ay patungkol kay Crisostoma Ibarra subalit dahil sa kulang na sa oras ay ang unang pangkat lamang ang nakapagpaliwanag.

Repleksyon para sa ikatlong linggo ng ika-apat na markahan

                       Mga Tauhan ang siyang bumubuo at nagbibigay kulay sa isang istorya o nobela .Kaya't sa Nobelang isinulat ni Rizal na Noli  Me Tangere lahat ng Tauhan ay mahalaga at may sinasagisag.Bawat isa ay nagtataglay ng kanya kanyang katangian na ginagampanan at binibigyang buhay ,tulad nila: 

Crisostomo Ibarra Binatang nag-aral sa Europa; nangarap na makapagpatayo ng paaralan upang matiyak ang magandang kinabukasan ng mga kabataan ng San Diego. Elias Piloto at magsasakang tumulong kay Ibarra para makilala ang kanyang bayan at ang mga suliranin nito. Kapitan Tiyago Mangangalakal na tiga-Binondo; ama-amahan ni Maria Clara. Padre Damaso Isang kurang Pransiskano na napalipat ng ibang parokya matapos maglingkod ng matagal na panahon sa San Diego. Padre Salvi Kurang pumalit kay Padre Damaso, nagkaroon ng lihim na pagtatangi kay Maria Clara. Maria Clara Mayuming kasintahan ni Crisostomo; mutya ng San Diego na inihimatong anak ng kanyang ina na si Doña Pia Alba kay Padre Damaso Pilosopo Tasyo Maalam na matandang tagapayo ng marurunong na mamamayan ng San Diego. Sisa Isang masintahing ina na ang tanging kasalanan ay ang pagkakaroon ng asawang pabaya at malupit. Basilio at Crispin Magkapatid na anak ni Sisa; sakristan at tagatugtog ng kampana sa simbahan ng San Diego. Alperes Matalik na kaagaw ng kura sa kapangyarihan sa San Diego Donya Victorina Babaing nagpapanggap na mestisang Kastila kung kaya abut-abot ang kolorete sa mukha at maling pangangastila. Donya Consolacion Napangasawa ng alperes; dating labandera na may malaswang bibig at pag-uugali. Don Tiburcio de Espadaña Isang pilay at bungal na Kastilang napadpad sa Pilipinas sa paghahanap ng magandang kapalaran; napangasawa ni Donya Victorina. Linares Malayong pamangkin ni Don Tiburcio at pinsan ng inaanak ni Padre Damaso na napili niya para mapangasawa ni Maria Clara. Don Filipo Tinyente mayor na mahilig magbasa na Latin; ama ni Sinang Señor Nol Juan Namahala ng mga gawain sa pagpapatayo ng paaralan. Lucas Taong madilaw na gumawa ng kalong ginamit sa di-natuloy na pagpatay kay Ibarra. Tarsilo at Bruno Magkapatid na ang ama ay napatay sa palo ng mga Kastila. Tiya Isabel Hipag ni Kapitan Tiago na tumulong sa pagpapalaki kay Maria Clara. Donya Pia Masimbahing ina ni Maria Clara na namatay matapos na kaagad na siya'y maisilang. Iday, Sinang, Victoria,at Andeng Mga kaibigan ni Maria Clara sa San Diego Kapitan-Heneral  Pinakamakapangyarihan sa Pilipinas; lumakad na maalisan ng pagka-ekskomunyon si Ibarra. Don Rafael Ibarra Ama ni Crisostomo; nakainggitan nang labis ni Padre Damaso dahilan sa yaman kung kaya nataguriang erehe. Don Saturnino Nuno ni Crisostomo; naging dahilan ng kasawian ng nuno ni Elias. Mang Pablo Pinuno ng mga tulisan na ibig tulungan ni Elias. Kapitan Basilio Ilan sa mga kapitan ng bayan sa San Diego Kapitan Tinong at Kapitan Valentin Tinyente Guevarra Isang matapat na tinyente ng mga guwardiya sibil na nagsalaysay kay Ibarra ng tungkol sa kasawiang sinapit ng kanyang ama. Kapitana Maria Tanging babaing makabayan na pumapanig sa pagtatanggol ni Ibarra sa alaala ng ama. Padre Sibyla Paring Agustino na lihim na sumusubaybay sa mga kilos ni Ibarra. Albino Dating seminarista na nakasama sa piknik sa lawa.

                            Ngunit paano nga ba naisulat ni Rizal ang kanyang mga tauhan?Nalikha niya ito sa pamamagitan ng mga taong nakapalibot sa kanya at sa mga taong nakikita nyang nakapagbibigay ng inspirasyon  sa bawat isa.Nagkaroon din kami ng talakayan patungkol sa mga kabanata ng bawat tauhan at sa penikulang Jose Rizal .
                           Kaugnay nito tinalakay din namin ang  kinakatawan ng bawat tauhan sa Noli Me Tangere .Ilan sa mga ito ay sina Crisostomo  Ibarra  na  kumakatawan  kay  Jose Rizal, Maria  Clara  kay Leonor  na  naging kasintahan  ni  Jose  Rizal,Pilosopong  Tasyo  kay  Paciano  na  magaling  magpayo, Padre  Damaso  kay  Padre  Antonio  Piernavieja  kinapopootang  pari, Kapitan  Tiyago  kay Kapitan Hilario  Sunco  naging  sunod-sunuran sa  mga  Kastila,Donya  Consulacion at  Donya  Victorina  kay Donya  Agustina Medel  de  Coca  na  parehong  tinatakwil  ang  pagiging  Pilipino,  Basilio  at  Crispi  sa  magapatid  na Crrisostomo  na  parehong  nakaranas  ng  pagdurusa  sa buhay  at mga  Prayle  sa  mga Prasiskano  na  naging malupit sa  mga  Pilipino.

    

Repleksyon para sa ikalawang linggo ng ika-apat na markahan

              Ngayon ay ang ikalawang Lingo ng aming talakayan sa asignaturang Filipino.Kung ito ay aking ikukumpara sa unang lingo ng aming talakayan para sa Ika-apat na markahan ay masasabi kung mas marami ang aming nakuhang kalaman para sa linggong ito dahil aming natalakay kung ano ang Kaligirang Pangkasaysayan ng Noli Me Tangere ,Dahilan ng pagkakasulat nito ni Dr.Jose Rizal,Mga akda na patungkol sa kanya at ang kanyang ginawang Tula at ang pokus na tanong para sa aming unang aralin.

          Para sa Kaligirang Pangkasaysayan ng Noli Me Tangere,aming tinalakay dito ang pagkakaugnay-ugnay ng mga kaganapan sa espanya sa kanyang nobelang Noli Me Tangere.Ilan sa mga ito ay una ang pagagsak ng espanya sa pagiging kolonisador,pangalawa ay .Pagkalugi ng Galleon Trade.Pangatlo ay Pagkakahiwalay ng mga kalapit na bansa.at ang pang-apat ay Kawalan ng matatag na pamahalaan.

             Sa mga dahilan naman ng pagkakasulat ng Noli Me Tangere aming tinalakay ang kaugnayan ng pagbubukas ng Suiz Canal,Pagsibol ng Kaisipang Liberalidad,Equalidad at Fraternidad at Himagsikan sa Francia.
             Kaugnay nito binigyan kami ni Gng.Mixto ng pangkatang Gawain patungkol sa mga akda ni Rizal..Para sa unang pangkat inatasan sila na ipliwanag ng buod ng Noli Me Tangete .Sa Ikalawang pangkat  ay  ang Tsinelas.Sa ikatlo ay ang mga gamugamo at si Jose Rizal at para naman sa huling pangkat ay ang tulang sa aking mga kababata.Gayundin nagkaroon kami ng debate patungkol sa tanong na ‘Dapat ba o di dapat gin amit ni rizal ang kanyang panulat sa kapakanan ng bayan'.Sa kabilangt pangkat ay pangangatwiran nila ang dapat sa kabila nman ay ang Di-Dapat.

Replaksyon para sa ikalawang linggo ng aming Bakasyon

Ngayon ay ang ikalawang lingo ng aming bakasyon sa buwan ng desyembre.Sa Linggong ito ang ilan sa aking mga pinagkaabalahan ay ang paghahanda para sa nalalapit na Bagong Taon.Nariyan yung namalengke kami para sa aming iaahin,namili ng ilang mga prutas ,naglinis ng buong Bahay , namasyal at  iba pa.
        Ng Ika-31 na ng umaga lahat kami  ay abala  para sa aming mga ihahanda sa pagsapit ng alas dose ng gabi.Lahat ay may kanya kanyang ginagawa hanggang sa sumapit ang ika-10 ng gabi at naghintay para sa bagong taon.Naging masaya ang pagdiriwang namin at wala saamin ang nasaktan ng dahil sa paputok.Kinabukasan kami ay nagsimba para magpasalamat sa panginoon sa lahat lahat  ng  aming mga natatanggap o biyaya.
Bilang paghahanda sa aming pasukan,akin ng isinaayos ang aking mga kagamitang pampaaralan at tinapos ang mga dapat na gawin.

Replekston para sa unang linggo ng Bakasyon

Ngayon ay ang unang lingo ng aming Bakasyon sa buwan ng desyembre.Sa  Linggong ito ,ako ay nagging abala para sa mga pangkatang proyekto na hindi pa namin natatapos gawin at sa paghahanda para sa nalalapit na pasko .Ng natapos na ang aming mga pangkatang proyekto,nagging  abala naman  ako sa pagbili ng aming ipangreregalo sa aming mga pinsan,kamag-anak at kaibigan.Kung minsan ay namamasyal din ako kasama ang aking mga kaibigan at kamaag-aral.Madalas kaming magtungo sa Marikina partikular na sa River Park at River Bank para mag rides at mamili.Natapos ang aking pasko ng masaya kasama ang aking pamilya at mga kamag-anak.

Repleksyon para sa Ika-apat na Markahan

              Ngayon ay ang Unang linggo ng aming Talakayan para sa Ika-apat na markahan sa Filipino.Para sa linggong ito ,hindi kami gaanong nagkaroon ng talakayan dahil noong  Martes ay ang aming Ikatlong Markahang pagsusulit at nitong Miyerkules naman ay nag correct response lamang kami.Nitong Huwebes naman ay  nagkaroon lamang kami ng paunang kaalaman para sa aming mga  aralin sa ika-apat na markahan at ito ay patungkol sa Noli Me Tangere  na sa tagalog ay huwag mo akong salingin ni Dr.Jose P.Rizal.Binigay din ni Gng.Mixto ang Pokus na tanong  na aming kinakailangang masagutan bago matapos ang aralin.
              Kaugnay nito, binigay din sa amin ang aming gagawing produkto para sa Markahang ito.Ito ay patungkol sa paggawa ng isang Movie Trailer at short film ng isa sa kabanata ng Noli Me Tangere.Samntalang nitong beyernes at wala si Gng.Mixto dahil may inaasikaaso lamang sya na importanteng bagay kaya ni G.Mixto muna ang pansamantalang pumalit.Kami ay nagkaroong ng paunang pagtataya para sa markahang ito.
            Ito ang aking Replekson para sa linggong ito.